Marupadiyum–Marravai Neril ( Again–Rest in person )

Posted on Aug 12 2016 - 12:44pm by srikainkaryasriadmin

மறுபடியும், மற்றவை நேரில் —–1

ஹே–அச்யுதா —–!

மறுபடியும், மட்டற்ற வேதனையுடன், மற்றவை நேரில் —-

108 தடவை,” மற்றவை நேரில்” என்று எழுதி உனக்கு அனுப்பினேனே –வந்து சேர்ந்ததா ——வரும் வழியில் மறைத்துவிட்டார்களா ?நீ அவைகளைப் பார்க்கவில்லையா ? படிக்கவில்லையா ?
படிக்க நேரமில்லையா ?
1.அவதாரங்கள் பல எடுத்ததனால், அலுப்புடன் சயனித்து விட்டாயா ?
2.அயோத்தியிலிருந்து ,இலங்கை வரை நடந்தே சென்ற களைப்பில்அப்புறம் பார்க்கலாம் என்று ஒதுக்கி விட்டாயா ?
3.யசோதை, உன்னைத் தாம்பால் கட்டியதால், கோபப்பட்டு இருக்கிறாயா ?
4.கோபிகைகளின் கீதத்திலிருந்து, நீ, இன்னும் விடுபடவில்லையா ?
5.ஆழ்வார்களின் அருளிச் செயல்களைக் கேட்டுக் கேட்டு, அவற்றிலேயே திளைத்து இருக்கிறாயா ?
6.ஸ்ரீமந் நாதமுனிகளோடும் , குருகைக்காவலப்பனோடும்
”யோக ரஹஸ்யம் ”மறைந்துவிட்டதே என்று கவலையில் இருக்கிறாயா ?
7.ஸ்ரீ ஆளவந்தாரின் ,”சதுச்லோகி ” மற்றும் ”ஸ்தோத்ர ரத்னத்தில் ” அனவரதமும் மூழ்கி இருக்கிறாயா /
8.ஸம்ப்ரதாயத்துக்காகத் தன் நேத்ரங்களை இழந்த ஸ்ரீ கூரத்தாழ்வானின் ”பஞ்சஸ்த்வத்”திதைப் பலகாலமாக ,நினைத்துக்கொண்டே இருக்கிறாயா ?
9.ஸ்ரீ ராமானுஜரின் அதியற்புத கைங்கர்யங்களை நினைத்தும், உன் பரத்வத்தை உலகுக்குப் பறைசாற்றியதை நினைத்தும் , ”கத்யத்ரயம் ”சேவித்து உன்னைச் சரணாகதி அடைந்ததை நினைத்தும் , அடியேனுடைய ”மற்றவை நேரில். ” சமர்ப்பணங்களை ,மறந்துவிட்டாயா ?
10.ஸ்ரீ பட்டரின் , அஷ்டச்லோகி”, ”ஸ்ரீ ரங்கராஜஸ்த்வம்” ”குணரத்னகோசம்” முதலியவற்றில்,நீயும் பெரியபிராட்டியும் ஈடுபட்டு இருக்கிறீர்களா /
11. ஸ்ரீ வேதாந்த தேசிகரின் , ஸ்ரீஸூக்திகளிலும், பாசுரங்களிலும் ,மனதைப் பறிகொடுத்துவிட்டீர்களா ?

12. அடியேன் ”த்ருவன் ” இல்லை; அடியேன் ”ப்ரஹ்லாதன்”இல்லை;அடியேன் ”கல்லும் ”இல்லை, உன் திருவடி ஸ்பர்சத்தால் , உயிர் பெற்று எழுவதற்கு;
அடியேன், ”கோபிகை” இல்லை; ”அக்ரூரர்” இல்லை, ”உத்தவரும்” இல்லை;”குசேலரும்” இல்லை

13. ஆனால், ஹிரண்யகசிபு இருந்தானே, அவனைவிடப் பல்லாயிரம் மடங்கு கொடியவன். அடியேனைவிட , ராவணன் எவ்வளவோ தேவலை. கம்ஸனும் ,
சிசுபாலனும், அடியேனைவிட மிகக் கீழ்ப்பட்டவர்கள்.

14. இவ்வளவு இருந்தும், ஸர்வதா ரக்ஷகன், ஸர்வத்ர ரக்ஷகன்என்கிற உன்னுடைய பெயரைக் காப்பாற்றிக்கொள்ள , அடியேனை ரக்ஷிக்க வேண்டாமா ?

15.நீ, சர்வஜ்ஞன் —எல்லாம் அறிந்தவன். ஒவ்வொருவர் ஹ்ருதயத்திலும் அந்தர்யாமியாக இருந்துகொண்டு ,அவரவர்கள் எண்ணங்களை செய்கைகளை அறிபவன். அவரவர் வினைகளுக்கு ஏற்ப, அவரவர்களுக்குத்
துன்பங்களையும், இன்பங்களையும் அனுபவிக்கக் கொடுப்பவன்.என்றெல்லாம், வேதங்களும், உபநிஷத்துக்களும், இதிஹாசங்களும் ,புராணங்களும் உன்னைப் புகழ்கின்றன. அடியேனுடைய 108 மற்றவை நேரில் , ஏதேனும் ஒன்றையாவது நீ அறிந்திருப்பாய் அல்லவா ? அடியேனின் கர்மாநுபவம் முடியட்டும்
என்று புன்னகையுடன் மெளனமாக இருக்கிறாயா ?

16.நீ எப்படி இருந்தாலும், உன்னையும் , பெரிய பிராட்டியையும் ,அடியேன் விடப்போவதில்லை. ”மற்றவற்றை நேரில் வந்து சொல் ” என்று
திவ்ய தம்பதியனரான நீங்கள் சங்கல்பிக்கும் வரை,” மறுபடியும் மற்றவை நேரில் ” தொடர்ந்துகொண்டே இருக்கும்.

—- மற்றவை நேரில்—மறுபடியும்–தொடர்கிறது——–11050124_347330405469954_2246128345531404535_n

About the Author

4 Comments so far. Feel free to join this conversation.

  1. vasu October 5, 2016 at 4:06 am - Reply

    Devareerin list I p paarthaal , Neril Pesuvatharku ondrum irukkadhu! adhuvum sari thaan Avanaip PArtha pin vaayum pesumO?

    • srikainkaryasriadmin October 27, 2016 at 2:49 pm - Reply

      Aho baghyam, swamin

  2. வெ ங்கடே சன் January 28, 2018 at 2:18 pm - Reply

    மற்றவை நே ரில் இருக்கட்டும் கடுதாசியில் என்ன எழுதப்பட்டது அட்ரஸ் என்ன என்று தெ ரிந்தால் பெ ருமாளுக்கு நாங்களும் எழுதிப் பாே டு வாே மே

    • srikainkaryasriadmin February 4, 2018 at 8:49 am - Reply

      மற்றவை நேரில்—76
      ஹே… சர்வ வாகேஸ்வரேஸ்வரா……
      அஜ்ஞ: ஸுகம் ஆராத்ய : ஸு கதரம் ஆராத்யதே விஷேசஜ்ஞ : \
      ஜ்ஞாநலவ துர்விதக்தம் ப்ரஹ்மாபி நரம் நரஞ்ஜயதி ||
      இதன் அர்த்தம் உனக்குத் தெரியாதது அல்ல
      அறிவில்லாத முட்டாளை எளிதாக சமாளிக்க முடியும். நல்ல அறிவுள்ளவனை , மிக சுலபமாக வழி நடத்த முடியும். சிறிதும் மூளையே இல்லாத, துஷ்டனை அவனைப் படைத்த பிரமன் கூட, சரிப்படுத்த முடியாது.
      அடியேன் சிறிதும் மூளையே இல்லாத துஷ்டன் …
      அடியேனைப் பிரமன் கைவிட்டாலும், அனைத்து தேவர்களும்
      கைவிட்டாலும்,
      அச்சுதா, உன்னால் முடியாததா !
      நீ சங்கல்பித்தால், சகலமும் நடக்குமே….
      அந்த எண்ணம் உனக்கு வந்தால், உருப்பட்டு விடுவேனே உருக்குலைந்து நடமாடும் அடியேனை
      திருவுக்கும் திருவே …திருத்த மாட்டாயா …..
      திருவடியில் சேர்த்துக் கொள்ளமாட்டாயா ?
      மற்றவை நேரில்

Leave A Response